Bakı. Trend:
"Kəpəz" baş məşqçi Adil Şükürovla yollarını ayırıb.
Trend xəbər verir ki, bu barədə Gəncə təmsilçisinin mətbuat xidməti məlumat yayıb.
Məlumata görə, mütəxəssislə müqaviləyə qarşılıqlı razılıq əsasında xitam verilib. Klub Adil Şükürova xidmətlərinə görə təşəkkür edib, gələcək karyerasında uğurlar arzulayıb.
Qarşıdakı günlərdə baş məşqçi məsələsi ilə bağlı ictimaiyyətə və mətbuata əlavə məlumat veriləcək.
Qeyd edək ki, "Kəpəz" bu mövsüm Premyer Liqada keçirdiyi 5 oyunun hamısında məğlub olub.