Bakı. Trend:
Rusiyanın büdcə aviadaşıyıcısı "Pobeda" oktyabrın 31-dən Rostov-Bakı-Rostov marşrutu üzrə müntəzəm uçuşlara başlayır.
Bu barədə Trend-ə Azərbaycan Dövlət Mülki Aviasiya Administrasiyasının mətbuat xidmətindən məlumat verilib.
Administrasiya müvafiq icazəni sözügedən aviaşirkətin uçuşları həftədə 4 dəfə yerinə yetirmək, sorğusundan sonra verib.
Uçuşların bazar ertəsi, çərşənbə, cümə və bazar günləri yerinə yetirilməsi planlaşdırılır.
Qeyd edək ki, bu, Azərbaycana uçuşlar yerinə yetirən artıq beşinci lou-kosterdir. Hazırda ölkəyə flydubai, WizzAir, Pegasus və airBaltic büdcə aviaşirkətləri uçuşlar həyata keçirir.
Azərbaycan Dövlət Mülki Aviasiya Administrasiyası həmçinin ölkə regionlarına uçuşlara başlanılması üçün bir sıra aviaşirkətlər ilə danışıqları davam etdirir.