Bakı. Anaxanım Hidayətova - Trend:
ABŞ-da səfərdə olan energetika naziri Natiq Əliyev Hyuston şəhərində Azərbaycan icmasının üzvləri ilə görüş keçirib.
Trend-in məlumatına görə, bu barədə Azərbaycanın ABŞ-dakı səfiri Elin Süleymanov Twitter səhifəsində yazıb.
Görüşdə ABŞ-ın Bakıdakı səfiri Robert Cekuta da iştirak edib.
Qeyd edək ki, N.Əliyevin rəhbərliyi ilə Azərbaycan nümayəndə heyəti 1-4 may tarixlərində Texas ştatının Hyuston şəhərində keçirilən neft və qaz sənayesi üzrə ən böyük sərgi və konfrans sayılan “Dənizdə Texnologiyalar konfransı”nda iştirak edir.
Konfransda N.Əliyevin çıxışı nəzərdə tutulub.