...

1-ci Azərbaycan Beynəlxalq Hədiyyələr Sərgisi keçiriləcək

İqtisadiyyat Materials 29 İyun 2017 13:28
Oktyabr ayında keçiriləcək “GIFT FAIR 2017” sərgisində bayram əhval-ruhiyyəsini siz də yaşayın.
1-ci Azərbaycan Beynəlxalq Hədiyyələr Sərgisi keçiriləcək

Trend-i buradan izləyin

Bakı. Trend:

Azərbaycanda ilk dəfə olaraq, 27-28 oktyabr tarixlərində “Boulevard Hotel Baku” otelində 1-ci Azərbaycan Beynəlxalq Hədiyyələr “GIFT FAIR 2017” sərgisi keçiriləcək.

“Caspian Event Organisers”dən Trend-ə verilən məlumata görə, “GIFT FAIR” sərgisində istənilən növ və çeşiddə hədiyyələr təklif olunacaq. Burada VIP səviyyəli hədiyyələrlə yanaşı, sevdiyiniz insanlar və dostlarınız üçün hədiyyələr, eləcə də təntənəli mərasimlərin təşkili və keçirilməsi üçün məhsul və xidmətlər, o cümlədən interyer dizaynı üçün nəzərdə tutulmuş əşyalar və digər məhsullar nümayiş etdiriləcək. Sərginin təşkilatçısı qismində “Caspian Event Organisers” (“CEO”) şirkəti çıxış edir.

İki gün ərzində sərgidə yüksək keyfiyyətli məhsulların geniş çeşidi və bu sənaye sahəsinin inkişaf təmayülləri ilə yaxından tanış olmaq üçün müstəsna imkan yaradılacaq. Sərginin iştirakçıları (müxtəlif dəvətnamələr, karnaval kostyumları, axşam ziyafəti üçün paltarlar və bayram tədbirləri üçün işıqlandırma sistemlərinin hazırlanmasını ehtiva edən) bayram tədbirlərinin təşkili, şirniyyat məmulatlarının hazırlanması, əl işləri, eləcə də toy və toyqabağı mərasimlər və bir sıra digər tədbirlərin təşkili ilə məşğul olan şirkətlərdən ibarətdir. VIP ziyarətçilərlə mövcud əlaqələrin möhkəmləndirilməsi və yeni əlaqələrin qurulması məqsədilə elit xidmətlər və məhsullar təklif edən şirkətlər, butiklər və turizm agentlikləri GIFT FAIR 2017 sərgisi çərçivəsində “Premium sektor” bölümündə təmsil olunacaqlar.

Sərginin biznes proqramı çərçivəsində iştirakçılara işgüzar əlaqələr qurmaq, eləcə də vasitəçilərsiz birbaşa danışıqlar aparmaqla, şirkətlərini tanıtmaq üçün unikal imkan yaradan vorkşop keçiriləcək.

“GIFT FAIR 2017” sərgisi məhsulların təqdimatı və həm yerli, həm də xarici bazarların təmayül və innovasiyaları ilə tanışlıq üçün unikal platformaya çevriləcək.

Məqalədə:
Xəbər lenti

Xəbər lenti