Bakı. Trend:
"PSG-Kapital İnvestisiya Şirkəti" Qapalı Səhmdar Cəmiyyəti nizamnamə kapitalını ikiqat artırır.
Şirkətdən Trend-ə verilən məlumata görə, artım nəticəsində nizamnamə kapitalının həcmi iki qat artaraq 2 milyon manata yüksələcək.
Bununla da "PSG-Kapital İnvestisiya şirkəti" QSC ölkədə nizamnamə kapitalı ən yüksək olan investisiya şirkətinə çevriləcək.
Kapitalın artırılması əlavə səhm buraxılışı hesabına həyata keçiriləcək. Bu addım çərçivəsində hər birinin nominal qiyməti 1 000 AZN olan əlavə 1 000 ədəd səhm buraxılması nəzərdə tutulur.
Maliyyə Bazarlarına Nəzarət Palatası səhm emissiyasını qeydiyyata alıb.
Səhm yerləşdirilməsi və kapitalın artırılması yaxın vaxtlarda həyata keçiriləcək.