Bakı. Trend:
Maliyyə sektorunun 96 faizi banklara, yerdə qalan 4 faiz sığorta şirkətləri, bank olmayan kredit təşkilatları və investisiya şirkətlərinə məxsusdur.
Trend xəbər verir ki, bunu Azərbaycan Mərkəzi Bankının (AMB) sədri Taleh Kazımov AZTV-yə müsahibəsində bildirib.
"Bizim bank sektorumuz dayanıqlıdır. Avqust ayına olan məlumata görə, qeyri-işlək kredit portfelinin ümumi kredit portfelinə nisbəti 3,6 faizdir. 2016-cı ildə bu göstərici 21 faiz olub. Bizim bank sektorunun kredit portfeli kifayət qədər sağlamdır. Dünya təcrübəsinə baxdıqda 3,6 faiz kifayət qədər yaxşı göstəricidir", - AMB sədri qeyd edib.