Bakı. Trend:
Naxçıvan Muxtar Respublikasının Şərur rayonunda çayda yerləşən faydalı yataq satışa çıxarılır.
Bu barədə Trend Naxçıvan Muxtar Respublikası İqtisadiyyat Nazirliyi yanında Əmlak Məsələləri Dövlət Xidmətindən məlumat əldə edib.
Belə ki, Şərur rayonu “Arpaçay” çınqıl-qum qarışığı yatağı hərraca çıxarılır.
4 hektar ərazini əhatə edən və 200000 kub metr həcmində olan yatağın istismar müddəti 10 il nəzərdə tutulub.
Hərracın başlanğıc qiyməti 18000 manat, 10% beh məbləği isə 1800 manat təşkil edir.
Məlumata görə, hərrac 21 yanvar 2025-ci il tarixində saat 11:00-da auksion formasında keçiriləcək. Hərracda iştirak haqqı 540 manat müəyyənləşdirilib.
