Bakı. Trend:
Bakıda Moskva müəssisələrinin Azərbaycandakı biznes missiyası çərçivəsində təqdimat sessiyası keçirilib.
Trend xəbər
verir ki, Moskva İxrac Mərkəzi (MİM) 11-13 mart tarixlərində Bakıda
biznes-missiya təşkil edib.
Biznes-missiya çərçivəsində Moskva şirkətləri sənaye,
avtomatlaşdırma və tibb sahəsində qabaqcıl həlləri təqdim ediblər,
həmçinin öz məhsul və xidmətlərini ictimaiyyətə nümayiş
etdiriblər.
MİM baş direktoru Vitaliy Stepanovun sözlərinə görə, Azərbaycan
bazarı regionda öz fəaliyyətini genişləndirməyə çalışan Moskva
müəssisələri üçün mühüm imkan yaradır. MİM biznes-missiyasında
iştirak şirkətlərə təkcə öz innovativ həllərini təqdim etməyə
deyil, həm də vacib işgüzar təmaslar qurmağa, həmçinin yerli
bazarda işin özəlliklərini öyrənməyə imkan verəcək.
Biznes-missiya çərçivəsində Bakıdakı tədbirdə aşağıda göstərilən
sahələri təmsil edən aparıcı Moskva müəssisələri iştirak
edirlər:
- Sənaye avadanlıqları: Şirkətlər kabel və keçirici məhsullardan tutmuş analitik cihazqayırma və qeyri-dağıdıcı nəzarət həllərinə qədər geniş məhsul çeşidi təklif edirlər.
- Avtomatlaşdırma və texnologiya: İştirakçılar proseslərin idarə olunması üçün tənzimləyici və kəsici klapanlar da daxil olmaqla innovativ həllərini təqdim edirlər.
- Tibb və biotexnologiyalar: Moskva şirkətləri diaqnostika və müalicə üçün qabaqcıl texnologiyalar və innovativ tibbi məmulatlarını nümayiş etdirirlər.
Tədbirin gedişində Rusiyanın Azərbaycandakı ticarət nümayəndəsi
Ruslan Mirsayapov qeyd edib ki, Biznes-missiya çərçivəsində əsas
vəzifələri, yeni müqavilələr və Moskva müəssisələri tərəfindən
yüksək keyfiyyətli, müasir məhsulların Azərbaycana tədarükü üzrə
razılaşmaların imzalanmasıdır.
“Rusiyanın Ticarət Nümayəndəliyi olaraq, biz bütün lazımı dəstəyi
göstərməyə hazırıq”,- deyə o bildirib.
O, Azərbaycanda Moskva şirkətlərinin biznes-missiyasının yaxşı
bir ənənəyə çevrildiyini vurğulayıb. Onun sözlərinə görə, Moskva
İxrac Mərkəzi proqramının qalibləri - paytaxtın daha fəal və müasir
müəssisələri azərbaycanlı tərəfdaşları ilə şəxsi görüşlər üçün
ölkəyə gəlirlər.
Bundan əlavə, “Rusiya İxrac Mərkəzi” SC-nin Azərbaycandakı
nümayəndəliyinin rəhbəri Nuri Quliyev, Rusiya İxrac Mərkəzinin
2017-ci ildən Azərbaycanda fəaliyyət göstərdiyini və bu müddət
ərzində onların Azərbaycana 3 milyard (ABŞ) dollarından çox
məbləğdə ixracata dəstək olduğunu vurğulayıb.
“Bu kifayət qədər böyük rəqəmdir və Rusiya və Azərbaycan arasında
ticarət dövriyyəsinin inkişafına töhfədir”, -deyə o bildirib.
