Bakı. Trend:
Cari ilin yanvar-mart ayları üzrə operativ məlumatlara əsasən, Azərbaycanda günəş elektrik stansiyalarında elektrik enerjisinin istehsalı 112,5 milyon kVt·st olub.
Trend-ə bu barədə Energetika Nazirliyindən məlumat verilib.
Bildirilib ki, günəş elektrik stansiyalarında elektrik enerjisinin istehsalı ötən ilin eyni dövrü ilə müqayisədə 23 milyon kVt·st və ya 25,7% artıb.
Belə ki, 2024-cü ilin birinci rübündə Azərbaycanda günəş elektrik stansiyalarında elektrik enerjisinin istehsalı 89,5 milyon kVt·st olub.
Qeyd edək ki, cari ilin yanvar-mart ayları üzrə operativ məlumatlara əsasən, Azərbaycanda elektrik enerjisinin istehsalı 7 171,8 milyon kVt·st olub. Elektrik enerjisinin istehsalı ötən ilin eyni dövrü ilə müqayisədə 42,5 milyon kVt·st və ya 0,6% artıb. Belə ki, 2024-cü ilin birinci rübündə Azərbaycanda elektrik enerjisinin istehsalı 7 129,3 milyon kVt·st olub.
Cari ilin hesabat dövründə İES-lərdə 6 318,3 mln. kVt·st, SES-lərdə 669,6 mln. kVt·st, digər mənbələr üzrə isə 183,9 mln. kVt·st, o cümlədən külək elektrik stansiyalarında 9,5 mln. kVt·st, günəş elektrik stansiyalarında 112,5 mln. kVt·st, Bərk Məişət Tullantılarının Yandırılması Zavodunda isə 61,9 mln. kVt·st elektrik enerjisi istehsal edilib.