Bakı. Trend:
Ümumdünya Ticarət Təşkilatı (ÜTT) yaxın iki ildə MDB ölkələrində ixracın mülayim artımını və idxalın azalacağını proqnozlaşdırır.
Trend xəbər verir ki, ÜTT-nin proqnozunun baza ssenarisinə əsasən, 2025-ci ildə MDB ölkələrindən ixrac 4 faiz artacaq, düzəliş edilmiş proqnozun isə 4,4 faiz artacağı nəzərdə tutulur. Bu, 2024-cü ildə 2,3 faiz artım və 2023-cü ildə 4,3 faiz azalmadan sonra irəli gəlir.
Baza ssenarisinə görə, 2026-cı il üçün 0,1 faiz azalma, düzəliş edilmiş ssenariyə görə isə 0,1 faiz cüzi artım gözlənilir.
İdxala gəlincə, burada pandemiyadan sonrakı artımla müqayisədə nəzərəçarpacaq yavaşlama gözlənilir. 2023-cü ildə 18 faiz artdıqdan və 2024-cü ildə 5 faizə qədər azalmasından sonra idxal 2025-ci ildə cəmi 0,1 faiz artacaq (düzəliş edilmiş ssenaridə 0,5 faiz), 2026-cı ildə isə hər iki ssenari üzrə 2,1 faiz artım olacaq.