Bakı. Trend:
Azərbaycan və Avropa Yenidənqurma və İnkişaf Bankı (AYİB) arasında yaşıl enerji və infrastruktur layihələri ilə bağlı müzakirələr aparılıb.
Trend xəbər verir ki, bu barədə iqtisadiyyat naziri Mikayıl Cabbarov "X" sosial şəbəkə hesabında paylaşım edib.
"Avropa Yenidənqurma və İnkişaf Bankının (AYİB) İllik Toplantısı çərçivəsində Bankın prezidenti xanım Odil Reno-Basso ilə görüşməkdən məmnun olduq.
Ölkəmizin Bankla əməkdaşlığının prioritet istiqamətləri, yaşıl enerji və infrastruktur layihələrinin icrası barədə müzakirələr apardıq.
Dayanıqlı iqtisadiyyata keçid üçün birgə fəaliyyətin gücləndirilməsinin əhəmiyyətini vurğuladıq", - deyə paylaşımda qeyd edilib.
