Bakı. Trend:
Azərbaycan Respublikasının Milli Depozit Mərkəzi (MDM) və Qazaxıstan Fond Birjası (Kazakhstan Stock Exchange – KASE) arasında əməkdaşlıq imkanları dəyərləndirilib.
Bu barədə Trend-ə MDM-dən məlumat verilib.
Belə ki, Azərbaycanda səfərdə olan Qazaxıstan Fond Birjasının (Kazakhstan Stock Exchange – KASE) və Azərbaycan Respublikasının Milli Depozit Mərkəzinin (MDM) rəsmiləri arasında görüş keçirilib.
Tərəflər arasında keçirilən görüş çərçivəsində Milli Depozit Mərkəzinin fəaliyyəti, kapital bazarlarının inkişafı və müvafiq infrastrukturun təkmilləşdirilməsi istiqamətində həyata keçirilən islahatlar barədə ətraflı məlumat təqdim olunub.
Görüş zamanı əməkdaşlıq perspektivləri, birgə təşəbbüslər və qarşılıqlı təcrübə mübadiləsi imkanları müzakirə edilib.