Bakı. Trend:
Milli Depozit Mərkəzinin (MDM) ötən il üzrə etibarlı və dayanıqlı təsisatın qurulması üzrə icra statusu üzrə əsas nailiyyətləri və qarşıdakı hədəfləri açıqlanıb.
Trend xəbər verir ki, bu barədə Milli Depozit Mərkəzinin (MDM) 2024-2026-cı illəri əhatə edən İnkişaf Strategiyasının 2024-cü il üzrə icra statusunda bildirilib.
Belə ki, qurumun 2024-cü il üzrə sözügedən fəaliyyət istiqaməti üzrə əsas nailiyyətləri kimi informasiya təhlükəsizliyi sahəsində qanunvericiliyin tələblərinə uyğunluğun təmin edilməsi, informasiya təhlükəsizliyi və kibertəhlükəsizlik sistemlərinin tətbiqi, “CIS Controls Implementation Groups” (İnternet Təhlükəsizliyi Mərkəzi) əsasında RCSA modelinin qurulması, eləcə də müdaxilə, boşluqların və kiber risklərin müəyyən edilməsi məqsədilə nüfuz sınaqlarının həyata keçirilməsi göstərilib.
MDM növbəti addım olaraq aşağıdakı tədbirlərin görülməsini hədəfləyib:
- “CIS Controls” üzərindən keçirilən RCSA layihəsi nətcəsndə müəyyən olunmuş tədbirlər planının icrası;
- Beynəlxalq "Swift" şəbəkəsinin təhlükəsizliyi üzrə standartlarının MDM-də tətbqi;
- AMB-nin “Maliyyə bazarları üzrə kibertəhlükəsizlik strategiyası” çərçivəsində MDM-də kiberdayanıqlığın gücləndirilməsi.