Bakı. Trend:
2026‑cı ilin fevral ayında Azərbaycanda Xırda Ödənişlər üzrə Hesablaşma Klirinq Sistemi (XÖHKS) vasitəsilə aparılmış əməliyyatların həcmi 3,825 milyard manat, sayı isə 7,822 milyon ədəd təşkil edib.
Bu barədə Trend Azərbaycan Mərkəzi Bankına istinadən məlumat verir.
Ötən ilin fevral ayı ilə müqayisədə XÖHKS vasitəsilə aparılmış əməliyyatların həcmi 211 milyon manat və ya 3,8 faiz artıb, əməliyyatların sayı isə 5,587 milyon ədəd və ya 41,7 faiz azalıb. Bu dövrdə 2025‑ci ilin fevral ayında əməliyyatların həcmi 3,614 milyard manat, sayı isə 13,409 milyon ədəd olub.
Qeyd edək ki, fevral ayına olan vəziyyətə görə Azərbaycanda bank sistemi və "Azərpoçt" MMC vasitəsilə dövriyyədə olan ödəniş kartlarının sayı öncəki ayla müqayisədə 191 min ədəd artıb və ümumilikdə 22 milyon 347 min ədəd təşkil edib. 2025-ci ilin müvafiq dövrü ilə müqayisədə isə bu göstərici 10 faiz artıb.