...

Azərbaycan sığortaçıları fırıldaqçılıqla mübarizə üçün tədbirlər təklif edirlər

Biznes və iqtisadiyyat xəbərləri Materials 9 Fevral 2008 14:21 (UTC +04:00)

Azərbaycan, Bakı, 09 fevral / " , müxbir Ü.İsmayılova / Azərbaycanın sığorta bazarı 2000-ci ildən başlayaraq fəal inkişaf etməyə başlayıb. Bazarda beynəlxalq standartlara uyğun sığorta xidmətləri təklif edən yeni və peşəkar sığorta şirkətləri yaranıb. Azərbaycanda 2007-ci ilin yekunlarına görə, ümumi sığorta pullarının həcmi 150 mln. manat təşkil edən 29 sığorta şirkəti var.

Azərbaycanda bu bazarın inkişafı ilə yanaşı, bütün dünya ölkələrində olduğu kimi, fırıldaqçılıq problemi də var. Amerikanın "Sığorta fırıldaqçılığına qarşı koalisiya" təşkilatının məlumatlarına görə, fırıldaqçılıq ABŞ-ın ümumi sığorta bazarı tarixində müştərilər tərəfindən şirkətlərə $85 mlrd. məbləğində ziyan vurub, fırıldaqçıların əmlakın sığortalanması üzrə sığorta haqları $21 mlrd. təşkil edib.

Azərbaycanın iri sığorta şirkətlərindən biri - "Az Sigorta" böyük fırıldaqçılıq problemi ilə üzləşib. Şirkətin İdarə Heyəti sədrinin müavini Xəyal Məmmədxanlı deyib ki, əvvəl "KASKO" (könülü sığorta) üzrə avtomobil sığortaçısı "Az Sigorta"ya müraciət edib ki, avtomobili yol nəqliyyat hadisəsinə uğrayıb və hazırda istismara yararsızdır. "Az Sigorta"nın ekspertləri yol polisi ilə birgə işi araşdırdıqdan sonra aşkarlayıblar ki, bu, fırıldaqçılıq cəhdi olub.

Məlum olub ki, sığortaçı yol nəqliyyat hadisəsinə uğrayan avtobolin dövlət nömrə nişanını əvvəl sığortaladığı yeni nişana dəyişib. Bir müddət sonra sığortaçı 35 min manat ölçüsündə şəxsi avtomobilinin tam dəyərini və yol nəqliyyat hadisəsinə üçüncü şəxsin avtomobilinin əzilməsinə görə əlavə 5 min manat almaq üçün sığorta hadisəsi ilə bağlı şirkətə müraciət edib. Məmmədxanlı deyib ki, hüquq-mühafizə orqalnarına müraciət etdikdən sonra, məhkəmə fırıldaqçıları günahkar hesab edib.

Azərbaycanda avtomobillərin könüllü sığortalanmasından savayı, avtonəqliyyat vasitələrinin məcburi sığortalanması mövcüddur. Bu, sığortaçılara 10 manata (təxminən $12) başa gəlir. Yol nəqliyyat hadisəsi zamanı hökumət sığorta şirkətlərinə bir min manat (təxminən $1200) dəyərində ödəmə limiti qoyub.

"A-Group" sığorta şirkətinin İdarə Heyətinin sədri Anar Bayramovun fikrincə, Azərbaycan sığorta bazarında fırıldaqçılıq paralel olaraq inkişaf edir. "Hər hansı obyektin sığortalanması zamanı düzgün analiz aparılsa, fırılqdaqçılıqdan yaxa qurtarmaq olar" - Bayramov deyib.

"MBASK" iri sığorta şirkətinin İdarə Heyətinin sədri Cəmil Məlikovun fikrincə, fırıldaqçılarla "sərt mübarizə" aparmaq lazımdır, onlar tez təslim olurlar. O hesab edir ki, sığorta fırıldaqçılığı halının sayı şirkətin nüfuzundan asılıdır. "Şirkət fırıldaqçılarla fəal mübarizə aparsa və məsələ hüququ müdafiə edən orqanların vasitəsilə həll edilsə, fırıldaqçılar bu yollardan əl çəkəcəklər" - Məlikov deyib.

Azərbaycan Maliyyə Nazirliyinin Dövlət Sığorta Nəzarəti Şöbəsinin rəhbəri Namiq Xəlilov deyib ki, fırıldaqçılıq hallarından yaxa qurtarmaq üçün şirkətlər ilk öncə sığorta obyektini diqqətlə öyrənməlidirlər. Xəlilovun fikrincə, fırıldaqçılıqla mübarizənin ən vacib əsaslarından biri - şirkətlər arasında informasiya əməkdaşlığıdır. "Şübhəli sığorta hallarında şirkət digərinə müraciət edə bilər və birgə əməkdaşlıq sığorta fırıldaqçılığının qarşısını ala bilər" - Xəlilov deyib.

Xəbər lenti

Xəbər lenti