Azərbaycan, Bakı, 13 fevral / Trend , müxbir U.İsmayılova/ Yanvar ayında Bakıda tikinti materiallarının qiymətində 2007-ci ilin dekabrına nisbətdə nəzərəçarpacaq dəyişiklik müşahidə olunmayıb və fərq 0,3 faiz təşkil edib. Bu barədə "Əmlak bazarı iştirakçıları" İctimai Birliyinin çərşənbə günü yayılan məlumatında bildirilir.
İctimai Birlik tərəfindən dekabr ayında tikinti materiallarının 41 adda 86 növü üzrə monitorinq aparılıb. Ay ərzində 41 növ üzrə artım, dördündə isə qiymət enməsi müşahidə olunub.
İlin yekunlarına müvafiq olaraq, tikinti materiallarının qiymətinin qalxmasına ilin əvvəlində enerji daşıyıcıları, idxal olunan tikinti materiallarının qiymətinin, inflyasiya səviyyəsi və fərdi evlərə tələbatın artması təsir göstərib.
