Azərbaycan, Bakı, 13 fevral/ " müxbir İ.Xəlilova/ Dünya Bankı (DB) Azərbaycanda hazırda fəaliyyətdə olan strategiya (2007-10-cu illər) çərçivəsində layihələrin maliyyələşdirilməsi üzrə öhdəlikləri 2008-ci il maliyyə ilinin sonunadək yerinə yetirə bilər. Bu barədə Bankın Bakı nümayəndəliyindən bildiriblər. Hazırda Dünya Bankının aparıcı iqtisadçısı Kristian Pitersen Bakıdadır. O, strategiyanın yerinə yetirilməsi haqqında illik hesabat hazırlayır.
Nümayəndəlikdən DB tərəfindən növbəti iki il üçün əlavə maliyyələşdirmənin təqdim edilməsi imkanlarını istisna etməyiblər. Buna baxmayaraq, yenilənmiş proqrama daxil ediləcək layihələr, hələ ki, müzakirə edilmir.
Keçirilən qiymətləndirilmələrə görə, strategiyanın reallaşdırılmasından ötən iki il ərzində bank 14 layihənin maliyyələşdirilməsinə $1,26 mlrd. ayıracaq. Vəsaitlər dörd il üçün nəzərdə tutulub.
Ötən il iki layihə təsdiq edilib və hazırda 12 layihə üzrə iş gedir. Onların maliyyələşdirilməsi kvotanı tam mənimsəməyə imkan verəcək. Layihələrdən altısı Beynəlxalq İnkişaf Assosiasiyasının Azərbaycan üçün sonuncu kvotası çərçivəsində, güzəştli şərtlərlə maliyyələşdiriləcək. Sonuncu kvotanın həcmi $131 mln.-dır.
Güzəştli maliyyələşdirməyə məcburi köçkünlərin sosial şəraitinin yaxşılaşdırılması, kənd investisiyaları, maliyyə sektorunun təkmilləşdirilməsi, korporativ və dövlət sektorlarında hesabatlılıq (CAPSAP), təhsil sistemində islahatlar və sosial təminata kömək layihələri daxildir.
Digər altı layihə isə (dəmir yolu üzrə nəqliyyatın və ticarətin inkişafı, avtomagistralların və dairəvi yolun yenidənqurulması, su təchizatı sisteminin təkmilləşdirilməsi, ətraf mühitin təmizlənməsi), Beynəlxalq Yenidənqurma və İnkişaf Bankı xətti ilə maliyyələşdiriləcək. Su layihəsinə də BAİ xətti ilə vəsait ayrıla bilər.
Azərbaycanın DB-nin yeni yardım proqramı üzrə Bankın yalnız kommersiya ehtiyatlarına çıxışı olacaq.
Məqalə müəllifinin ünvanı: [email protected]
