Azərbaycan, Bakı, 08 aprel/ " müxbir İ.Xəlilova/ Bank sisteminin səmərəliliyi və rəqabətqabiliyyətliliyinin artırılması məqsədilə xarici banklar üçün maliyyə bazarları açmaq lazımdır. Bu barərədə çərşənbə axşamı "Banklar və maliyyələr" V Xəzər Beynəxalq Konfrans və Sərgisində iştirak edən AYİB-in bank nümayəndəliyinin rəhbəri Fransis Deley (Francis Delaey) məlumat verib.
İqtisadiyyatın artımı ilə maliyyə xidmətlərinə tələbat da artır. Buna görə, xarici bankların gəlməsi ilə ölkənin özəl bankları rəqabət sisteminə daxil olacaqlar. Bu rəqabətə davam gətirmək üçün kiçik yerli banklar birləşməyə məcbur olacaqlar. Bununla yanaşı, Deley bankların kapitalına minimal tələbi artırmağı təklif edir.
Azərbaycanda kredit yatırımlarının artımı iqtisadi potensialdan aşağıdır. Avropada bu göstərici 100 faiz səviyyəsində olduğu halda, Azərbaycanda 18 faiz səviyyəsindədir. Lakin, Avropa ölkələrində qeyd edilmiş kredit yatırımlarının bu şəkildə artımı kredit risklərinin daha sürətli templərlə artımına gətirir.
AYİB nümayəndəliyinin rəhbəri Azərbaycanın bank sektorunda dövlətin iştirakının azalmasını alqışlayır. Xarici bankların gəlişi isə, bank sektorunun inkişafına gətirə bilər.
Azərbaycan Milli Bankı xarici brend bankların Azərbaycana gəlişini alqışlayır. Ötən ildən Almaniyanın Commer Bank, Amerikanın Citi Bank-nın filialları açılıb, Fransanın Societe General bankı yerli banklarda iştirak payı əldə etmək istəyir, Türkiyənin Ish Bankasi filial açıb. Bundan əlavə, Rusiyanın Vneştorqbank-ı nəzarət səhm paketini alacağı bankı artıq müəyyən edib (AF Bank).
Bu günə Qazaxıstanın "Bank TuranAlem" və Xalık Bank-ı Azərbaycanın maliyyə bazarına daxil olmaqda maraqlı olduqlarını bildiriblər. Birinci Azərbaycanda filial açmaq, ikinci isə bank, sığorta şirkəti və digər maliyyə institutunun əldə edilməsi yolu ilə bazara daxil olmağı planlaşdırır. Lakin, çərşənbə axşamı AMB idarə heyətinin sədr müavini Rüfət Aslanlının qeyd etdiyi kimi, bu günədək onlardan rəsmi müraciət daxil olmayıb. Vneştorqbank-ın sənədləri isə,artıq müzakirəyə verilib və ekspertiza prosesindədir.
Azərbaycandakı xarici bankları və ya xarici kapitalın iştirak etdiyi bankları qiymətləndirsək, o zaman onlar bazarın üçdə birini tuturlar (30 faiz müxtəlif göstəricilər üzrə və təqribən 25 faiz bütün bank bazarından). Lakin, nəzərə almaq lazımdır ki, bu göstərici AYİB, Alman İnkişaf Bankı KFW ("törəmə" DEG-in simasında), Beynəlxalq Maliyyə Korporasiyası, SIDT, Amerika İnvestisiya Fondu Kazemir Partner Limited-in Azərdəmiryolbank, UniBank, Bank of Baku, Azəriqazbank, Bank Respublika, Bank of Baku və Texnika Bank kimi iri kommersiya banklarında səhmlərin bir hissəsini aldıqdan sonra, son beş il ərzində artıb. Əvvəlcədən 100 faiz Azərbaycan bankları olan bu banklar, bazarın kifayət qədər geniş seqmentini tuturdular.
Müəlliflə əlaqə saxlamaq üçün elektron ünvan: [email protected]
