Azərbaycan, Bakı, 17 iyun / Trend , müxbir S.Babayeva/ Azərbaycan kənd təsərrüfatı və heyvandarlıq sahələrində İranın təcrübəsindən istifadə etməkdə maraqlıdır. "IRNA"nın verdiyi xəbərə görə, bu barədə hazırda İranın şimal-qərb vilayəti Ərdəbildə səfərdə olan Azərbaycanın Kənd Təsərrüfatı Nazirliyinin Beynəlxalq əməkdaşlıq şöbəsinin rəhbəri Elxan Əliyev bildirib.
"Təcrübə mübadiləsinin artırılması, həmçinin iqtisadi, kənd təsərrüfatı və sənaye sahələrində əməkdaşlıq ölkələr arasında əlaqələri dərinləşdirəcək, Azərbaycanın inkişafına kömək edəcək", - deyə o bildirib.
Əliyevin sözlərinə görə, Azərbaycan İranla heyvandarlıq və meyvəçilik, heyvanlar üçün qida istehsalı üzrə sahələrdə təcrübə mübadiləsi aparmağa və bu sahədə birgə müəssisənin (BM) yaradılmasına hazırdır.
Kənd Təsərrüfatı Nazirliyinin nümayəndəsi ölkənin aqrar sektorunun digər ciddi problemləri sırasında müxtəlif toxum növləri, kultivasiya üçün su və dondurucu yerlərin çatışmadığını qeyd edib.
"Azərbaycan ildə 150 min ton müxtəlif toxum növünə ehtiyac duyur, bu həcmin cəmi 15 faizi daxili istehsal hesabına ödənir", - deyə o bildirib.
Azərbaycan Kənd Təsərrüfatı Nazirliyinin nümayəndə heyəti kənd təsərrüfatı təcrübəsi, o cümlədən "Moghan" kompleksi ilə tanış olmaq üçün Parsabada səfər edib.
Parsabad şəhərinin əhalisinin sayı 200 min nəfər təşkil edir, Şimali Ərdəbilin 240 km-də yerləşir və Azərbaycanla sərhəddir.
Məqalə müəllifi ilə əlaqə ünvanıf: [email protected]
