Azərbaycan, Bakı, 10 iyul / Trend , müxbir E.İsmayılov/ Bakıda "Ekselsior" mehmanxanasının yaxınlığında yeni yol ötürücüsünün açılışı mərasmimi keçirilib. Bu barədə cümə axşamı Azərbaycan Nəqliyyat Nazirliyinin "Azəryolservis" (Yol tikintisi) Açıq tipli Səhmdar Cəmiyyətindən bildiriblər.
Tədbir zamanı Heydər Əliyev prospekti ilə "Xətai" prospektlərini birləşdirən yol ötrücüsü istifadəyə verilib.
"Ekselsior" mehmanxanasının yanındakı yol ötürücüsü 2000 min metr uzunluğundadır. Buraya beş körpü və iki tunel tikintisidaxildir,həmin ərazidən keçən dəmiryol körpüsü yenisi ilə əvəz edilir. Bu nəqliyyat ötürücüsünə aid olan və "Babək" prospekti istiqamətində çəkilən körpülərindən birində ilk dəfə olaraq Danimarkanın yol örtüyünün isitmə sistemi tətbiq edilib. Havanın hərarəti -4 S°-yə endiyi zaman körpünün isitmə sistemi avtomatik olaraq işə düşür. Hərarət 0 S°-yə qalxdığı zaman isə, sistem sönür. Aparılan test araşdırmalarının yekunu üzrə analoji sçistemin ötürücünün daha üç körpüsündə quraşdırılması barədə qərar qəbul olunub.
Bütün işlər Azərbaycan prezidentinin "2006-2007-ci illərdə Bakı şəhərində nəqliyyat sisteminin təkmilləşdirilməsinə dair" sərəncamına əsasən, Bakıda nəqliyyat infrastrukturunun təkmilləşdirilməsi layihəsi çərçivəsində həyata keçirilir.
Məqalə müəllifi ilə əlaqə ünvanı: [email protected]
