Azərbaycan, Bakı, 22 iyul/ Trend /Bakı Metropoliteni "İçəri Şəhər"metro stansiyası üçün üç tunel eskalatorunun alınması, quraşdırılması və işə salınması üzrə tender elan edib.Eskalatorların hündürlüyü 40,74 metr olmalıdır. Tender bir lot üzrə keçirilir.
Namizədlər iştirak barədə ərizəni və digər sənədləri avqustun 18-dək təqdim etməlidirlər.
Tender təklifləri və bank zəmanəti 2008-ci il avqustun 29-dək qəbul ediləcək və sentyabrın 1-də Bakı vaxtilə saat 15.00-da açılacaq.
