Azərbaycan, Bakı, 31 iyul / Trend , müxbir U. İsmayılova/ Azərbaycan "Kapital Bank"nın təsisçilər heyətinin dəyişdirilməsi bankın biznesinə təsir göstərməyib. Bu barədə cümə axşamı mətbuat konfransında Bankın İdarə Heyətinin sədri Rauf Rzayev bildirib.
"Əksinə, onların cəlb edilməsindən sonra Bankın müştəri bazası əhəmiyyətli dərəcədə artıb, bunun hesabına yarım il ərzində bankın aktivləri 350 mln. manatadək artıb", - deyə Rzayev bildirib.
Sədrin sözlərinə görə, müştəri bazasının artması hesabına, yarım il ərzində əməliyyat bazası 130 faiz artıb.
Özəlləşdirilməsinə baxmayaraq, bank plastik kartlarla müavinət vermək üçün dövlət strukturları ( Əmək və Əhalinin Sosial Müdafiəsi Nazirliyi, Əhalinin Sosial Müdafiə Fondu) ilə əməkdaşlığı davam etdirəcək. Buna subut olaraq, Nazirlər Kabinetinin hərbi xidmətçilərə pensiyaların plastik kartlar vasitəsilə verilməsinə dair qərarını göstərmək olar ki, bunu da "Kapital Bank" təmin edəcək.
Bank kənd təsərrüfatına maddi yardım üzrə Dövlət Proqramında da iştirak edir. Burada fermerlər maddi yardımları plastik kartlar vasitəsilə alırlar. Hazırda 385 min fermerdə maddi yardım almaq üçün bankın plastik kart var.
Rzayev bildirib ki, təsisçilər nizamnaməsinin əvəzlənməsi ilə bağlı digər dəyişikliklər hələ məlum deyil, çünki təsisçilərin birinci iclası hələ keçirilməyib.
"Kapital Bank"ın ilk iclası yaxın vaxtlarda keçiriləcək, burada bankın nizamnaməsi razılaşdırılacaq.
Ötən il ilkin mərhələ zamanı bankn 50 faizi özəlləşdirilmişdi, bunun nəticəsində "Xalq Bank", "AtaHolding", "Azersun Holding" "Kapital Bank"ın səhmdarları oldu.
Özlləşdirilmənin ilk mərhələsində "AtaHolding" və "Azersun Holding" bankın kapitalında öz paylarını artırdı. Bundan əlavə, "Pasha Holding", "Xalq Sigorta" şirkətləri və bir sıra fiziki şəxslər bankın səhmdarları sırasına qoşuldu. Bank səhmlərinin bir hissəsi bankın işçilərinə də verilib.
Məqalə müəllifi ilə əlaqə ünıvanı: capital
