Qazaxıstan, Astana, 14 avqust/ Trend , müxbir K.Konırova/Almatıda yeraltı metropolitenin salınması zamanı torpaq sürüşməsi baş verib, - "Almatımetrokurılıs" SC-nin rəhbərliyi məlumat verir.
Hadisə avqustun 9-da baş verib, lakin hadisənin baş verməsi haqqında baş podratçı "Almatımetrokurılıs" SC bu gün məlumat verib.
"Sürüşmə "Alatau" metro stansiyasının arxa enişinin tikilməsi üzrə aparılan işlər zamanı baş verib. Yay vaxtı Qaqarain prospektinin yaşıl zolağı arx vasitəsilə mütəmadi suvarılır. Su tədricən süxuru yuyub. Süxurun nəmliyi artanda, torpağın ağırlığından sürüşmə baş verib - şirkətin press-relizində deyilir.
Baş podratçı "Almatımetrokurılıs" SC baş vermiş hadisəyə dərhal reaksiya verib. Şəhər rəhbərliyi təcili xəbərdar edilib.
"Təhlükəsizlik məqsədilə Qaqarin körpüsünün şərq hissəsi avtonəqliyyatın hərəkəti üçün bağlanılıb, sürüşmə ərazisi perimetr boyunca çəpərə alınıb. Şəhərin kommunal xidmətlərinin köməyi ilə su axınının qarşısı alınıb. Bundan sonra hadisənin nəticələrinin aradan qaldırılmaı işlərinə başlanılıb", - məlumatda bildirilir.
Hazırda avtonəqliyyatın hərəkəti Almatsnın yaxınlığında yerləşən magistrallar vasitəsilə bərpa edilib.
