Azərbaycan, Bakı, 15 avqust / Trend müxbir U.İsmayılova/ Cari ilin iyul ayında Bakının tikinti materialları bazarında qiymətlər 4,2 faiz, ilin əvvəlindən 14,8 faiz, 2007-ci ilin analoji dövr göstəricisinə nisbətdə isə 33,2 faiz artıb. Bu barədə cümə günü "MBA Group" Konsaltinq Şirkətindən məlumat verilib.
Bazarda yerli istehsal olan tikinti materiallarının payı 41,4 faiz təşkil edib ki, bu da iyun ayının göstəriciləri ilə eynidir.
Təşkilat ilin əvvəlindən 48 adda və 105 növ üzrə tikinti materilalının monitorinqini aparır. Tikinti materiallarının 40 növündə artım, 14 növündə enmə, digərlərində isə (51 növdə) sabitlik müşahidə olunub.
İyulda qiymətlər, əsasən, metal tikinti materialları (6,7 faiz), izolyasiya metallarında (5,2 faiz) dəyişilib. Ağac, (5,7 faiz), şveller (5,8 faiz), metal profillərin (5,3 faiz) qiymətlərində artım qeydə alınıb.
Kərpic (3,9 faiz), sement (2,6 faiz), plastik boruların (4,4 faiz) qiymətləri düşüb.
Məqalə müəllifi ilə əlaqə ünvanı: capital