Azərbaycan, Bakı, 08 oktyabr/ Trend , müxbir Ü.İsmayılova/ їAzərbaycanın İqtisadi İnkişaf Nazirliyi (İİN) 2009 - cu ildə ölkədə inflyasiyanın artım templərinin 12 -15 faiz səviyyəsində olacağını proqnozlaşdırırї, - Azərbaycanın iqtisadi inkişaf naziri Heydər Babayev çərşənbə günü bildirib.
gələn il üçün makroiqtisadi göstəricilərdə verilən gözləmələr yaxın vaxtlarda ölkə parlamentinə təqdim ediləcək.
їXarici ölkələrdə istehlak qiymətlərin artım templərinə diqqət yetirsək, Azərbaycanda sosial inkişaf dinamikası və dövlət xərclərinin artmasını nəzərə almaqla, inflyasiya üzrə belə proqnoz o qədər də yüksək deyilї, - nazir bildirib.
İİN 2008 - ci ilin sonuna inflyasiya gözləmələri üzrə proqnozları 20 -23 faiz səviyyəsində müəyyən edilib.
Yanvar - avqustun yekunlarına əsasən, ölkədə istehlak qiymətləri indeksi 2007 - ci ilin dekabrına nisbətdə 13 faiz, illik hesablamada isə, yeddi ay ərzində 20,9 faizə qarşı 21,3 faiz təşkil edib.
2009 - cu ildə qiymətlərin artım templəri 2008 - ci ilə nisbətən aşağı olsa da, inflyasiya ikirəqəmli səviyyədə qalacaq. 2012 - ci ilədək inflyasiyanın səviyyəsinin birrəqəmli səviyyəyədək düşəcəyi gözlənilir.
Müəlliflə əlaqə saxlamaq üçün elektron ünvan: [email protected]
