...

AYİB Azərbaycanın maliyyə institutlarının səhmlərinə sərmayələri artırır

Biznes və iqtisadiyyat xəbərləri Materials 27 Oktyabr 2008 17:05

Trend-i buradan izləyin

Azərbaycan, Bakı, 27 oktyabr/ Trend , müxbir N.İsmayılova/ "Avropa Yenidənqurma və İnkişaf Bankı (AYİB) 2008-ci ilin sonunadək Azərbaycanda bank olmayan maliyyə institutunun səhmlərinə sərmayələrin yatırılması üzrə danışıqları başa çatdırmağı planlaşdırır", - AYİB-in Bakı nümayəndəliyinin rəhbəri Frensis Deley bazar ertəsi bildirib.

(AYİB bank olmayan kredit təşkilatı CredAgro-nun səhmdarlığına daxil olmaq üzrə danışıqlar aparır).

"Biz, fəalliyyətlərini daha da yaxşılaşdırmaqda yardım etmək üçün,  güclü rəhbərliyi, şəffaf korporativ idarəetməi və yaxşı artım perspektivi olan şirkətlərin səhmlərinə sərmayə yatırmaqda daim maraqlıyıq", - Deley bildirib.

Onun sözlərinə görə, bank sektoru və mikromaliyyə təşkilatları, lizinq və sığorta şirkətləri, texnologiyalar və kommunikasiyalar sahəsindəki kimi, bank olmayan maliyyə təsisatları Avropa Bankı üçün daha böyük maraq kəsb edir. "Meyarlarımıza cavab verən digər şirkətlərin də səhmlərinə sərmayə yatırmağı nəzərdən keçirərdik, lakin AYİB bank olmayan kredit təşkilatının qiymətli kağızlarına sərmayə yatırmaq haqqında danışıqların aparılması prosesindədir və ilin sonunadək bu danışıqları bitirəcəyimizə ümid edirik", - Deley bildirib.

AYİB digər iki maliyyə institutunda səhm paketlərinin alınması imkanlarını nəzərdən keçirir. Nümayəndəliyin başçısı onların adını açıqlamayıb. Onun sözlərinə görə, müzakirələr hələ də erkən mərhələdədir və danışıqlarda irəliləyişlər müşahidə olunarsa, niyyət protokolları 2009 -cu ilin ortalarından tez reallaşmayacaq.

Hazırda AYİB-in maliyyə sektorundü üç bankın (UniBank, Azerdemiryolbank və AccessBank), bir lizinq şirkətinin (Unileasing) və sığorta şirkətinin (MBASK) səhmlərinə yatırılmış sərmayələri var. Korporativ sektorda AYİB MPRO süd istehsalçısı və Garadagh Cement-in səhmlərinə sərmayə yatırıb.

 CredAgro-nun yeganə təsisçisi 8 il əvvəl Azərbaycanda bank olmayan kredit təşkilatı yaratmış ACDI-VOCA beynəlxalq humanitar təşkilatdır. Təşkilatın Nizamnamə kapitalı $5 min, ümumi kapitalı 7 mln. manatdır.

CredAgro Avropa bankı ilə 2006 - cı ildən əməkdaşlıq edir və o, AYIB -dən kredit almış ilk bank olmayan kredit təşkilatı olub. Indiyədək AYIB həm kapitalda iştirak planında, həm də kredit ehtiyatlarının ayrılmasında Azərbaycanda, əsasən, bank sektorunu maliyyələşdirib.

Ötən il AYIB CredAgro üçün kredit xəttini $4 mln.-dək artırıb ki, bu vəsait artıq tam mənimsənilib.

Bu gün CredAgro - nun fəaliyyəti regionlarda layihələrin maliyyələşdirilməsinə yönəlib və 27 rayonu əhatə edir. Bununla əlaqədar o, 9 nümayəndəlik yaradıb və yardımçı ofisləri var. kredit ayırdığı sahələr  də müxtəlifdir - kənd təsərrüfatınin  kreditləşdirilməsi, ticarət əməliyyatları, infrastruktur, lizinqin maliyyələşdirilməsindən istehlak kreditləşməsinədək. CredAgro - nun kreditləri illik 36 faizədək dərəcə ilə və üç il müddətinə verilir.

Oktyabrın 27- nə olan cari mübadilə məzənnəsi -- 0,8116 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti