Azərbaycan, Bakı, 30 oktyabr/ Trend , müxbir İ.Xəlilova/ Dünya maliyyə böhranı Azərbaycanda xarici borclar hesabına maliyyələşdirilən nəqliyyat layihələrinin reallaşdırılmasına təsir göstərməyib. Bu barədə ölkənin nəqliyyat nazirinin müavini Musa Pənahov bildirib.
Azərbaycanın yol tikintisinə görə xarici borclarının ümumi həcmi ümumi xarici borcların 13,7 faizini təşkil edir ki, bu da bir mlrd. dollara bərabərdir. Maliyyə Nazirliyindən gələn il bu məbləğin artırılacağının gözlənildiyini bildiriblər.
"Bu gün bütün layihələr cədvəl üzrə ciddi şəkildə həyata keçirilir və maliyyə böhranı hələ ki, bizə toxunmayıb. Biz sabit maliyyə vəziyyətində olan xarici banklar ilə əməkdaşlıq edirik və onlar bizim bütün layihələrimizi cədvələ müvafiq maliyyələşdirirlər", - deyə Panahov bildirib.
Perspektivli layihələrə gəldikdə isə, onun fikrincə, xarici maliyyə institutlarının maliyyə vəziyyətinin stabilləşməsi çərçivəsində bu layihələr üzrə hansısa gecikmələr ola bilər. Digər tərəfdən, layihələrə tələb artacaq və məhz bu layihələrin səmərəliliyini əsaslandırmaq və müvafiq olaraq sənədlər hazırlamaq lazım gələcək.
"Bu gün maliyyə strukturları ilə heç problem yoxdur, layihə detalları və maliyyə şərtlərinin razılaşdırılması üzrə normal danışıqlar prosesi gedir. Onlar da əlavə şərtlər irəli sürmürlər", - deyə nazir müavini bildirib.
Ümumilikdə, onun sözlərinə görə, maliyyə böhranı nəqliyyət sektoruna cüzi dərəcədə təsir göstərib, lakin çox güman ki, perspektivdə bu böhran daha aydın şəkildə ifadə olunacaq. Bu gün bu təsir ölkələr arasında qarşılıqlı ticarət əlaqələrinin ləngiməsində ifadə olunur ki, bu da tranzit axınına təsir göstərir.
Azərbaycan, Mərkəzi Asiya, Cənubi Avropa ölkələrinin coğrafi məkanını nəzərə alsaq, ciddi sarsılmalar yoxdur, ona görə hər şey cədvəl üzrə gedir.
"Biz xərcləri hələ təhlil etməmişik, belə ki, Azərbaycan ərazisindən keçən tranzit, hələ ki, həyata keçirilir - nazir müavini bildirib. - Biz bu böhranın sözsüz ki, ölkənin ticarət əlaqələrinə, müvafiq olaraq yük daşımaları həcminə təsir göstərəcəyini proqnozlaşdırırıq. Düşünürük ki, böhran dövründə yarım faizdən çoz azalma olmayacaq, lakin bu, gələn il üçün proqnozlaşdırılır, 2008-ciilin proqnozlarına görə isə, daşınmalar üzrə təqribən 2 faiz artım gözlənilir".
2008-ci ilin yekunu üzrə yük daşımalarının həcmi 3,5 mln. ton səviyyəsində gözlənilir.
Məqalə müəllifi ilə əlaqə ünvanı: [email protected]