Azərbaycan, Bakı, 14 noyabr/ Trend , müxbir İ.Xəlilova/ "Əmək və Sosial Müdafiə Nazirliyi Azərbaycan ərazisində ölkə vətəndaşlığı olmayan əcnəbi vətəndaşlar və şəxslərin işə qəbulu üçün icazənin verilməsinə qoyulmuş dövlət rüsumunun 20 dəfə artırılması haqqında təkliflə hökumətə müraciət edib", - əmək nazirinin müavini İlqar Rəhimov cümə günü bildirib. Hazırda onlar 50 manat ödəyirlər və bu məbləği 1000 manatadək artırmaq təklif edilib.
"Miqrasiya haqqında" qanuna müvafiq olaraq, Azərbaycan ərazisində əmək fəaliyyətinin başlaması üçün işəgötürən hər bir əcnəbi işçi üçün Nazirlik nəzdində Əmək Miqrasiyası Xidmətindən fərdi qaydada xüsusi icazə almalıdır. İcazə bir il müddətinə verilir.
"Əncəbi vətəndaşı cəlb etməzdən əvvəl, hər bir işəgötürən düşünməlidir, - nazir müavini bildirib. İcazəyə görə ödənişin artması ilə onlar aşağı ixtisaslı işçiləri ölkəyə çağırmayacaq və peşəkarlara üstünlük verəcəklər".
Oktybarın 1-nə olan vəziyyətə görə, Əmək Miqrasiyası Xidməti tərəfindən 3353 icazə verilib. Ötən il isə bu rəqəm 507-yə bərabər olub.
"Qeydiyyata alınmış digər ölkə vətəndaşlarının sayı 5,7 dəfə artsa da, bu o demək deyil ki, biz böyük nəticələrə nail olmuşuq. Belə ki, Daxili İşlər Nazirliyi və Miqrasiya Xidmətinin məlumatlarına görə, Azərbaycanda işləyən əcnəbilərin sayı bu göstəricini ötür", - Rəhimov bildirib.
Onun sözlərinə görə, respublikada təxminən 13-15 min işləyən əcnəbi var ki, bu da işə real icazə almış şəxslərin sayından dörd-beş dəfə çoxdur.
"Əmək Nazirliyinin digər təşkili məsələsi əcnəbi vətəndaşların Azərbaycan ərazisində tibii müayinədən keçməsidir", - nazir müavini bildirib. İndiyədək əcnəbilərə qarşı belə tələb irəli sürülməyib.
Noyabrın 14-nə olan cari mübadilə məzənnəsi - 0,8093 AZN/USD.
Müəlliflə əlaqə saxlamaq üçün elektron ünvan: [email protected]
