Azərbaycan, Bakı, 20 noyabr/TrendCaptial, müxbir Ü.İsmayılova/ Dünya maliyyə böhranının sığorta bazarına təsiri "Şərqi Avropa, MDB və Asiyada həyat sığortasının inkişafına dünya baxışları" IV Beynəlxalq Konfransda əsas müzakirə mövzusu olub, - Azərbaycanın Maliyyə Nazirliyindən cümə axşamı bildiriblər.
"Konfransda hazırki şəraitdə maliyyə böhranı və onun sığorta, o cümlədən həyat sığortası bazarına təsirinin minimuma endirilməsi məsələsi müzakirə edilib", - idarədən qeyd ediblər.
Bu tədbir çərçivəsində, Mərkəzi və Şərqi Avropa, MDB ölkələrində həyat və pensiya sığortalarına həsr edilən seminar keçirilib.
Konfransın işində Polşa, Rumıniya, ABŞ, İsveçrə, Rusiya və digər dövlətlərin qabaqcıl sığorta və təkrar sığorta şirkətlərinin, sığorta nəzarəti orqanlarının nümayəndələri iştirak ediblər.
Konfransın məqsədi həyat sığortası sahəsində toplanmış dünya və regional təcrübənin ümumiləşdirilməsi; Rusiya, Şərqi Avropa və digər ölkələrdə həyat sığortasının inkişaf perspektivlərinin; müasir satış kanallarının müzakirəsi; informasiya texnologiyaları və müasir marketinq üsullarının inkişafıdır.
Müəlliflə əlaqə saxlamaq üçün elektron ünvan: [email protected]
