Azərbaycan, Bakı, 11 dekabr/ Trend , müxbir Ü.İsmayılova/ Azərbaycan prezidenti "2009-cu ildə Dövlət Sosial Müdafiə Fondunun büdcəsi haqqında" Qanunu təsdiq edib, - rəsmi mətbuat xəbər verir.
Qanuna əsasən, Fondun büdcəsinin xərcləri və gəlirləri 1,775 mlrd. manat səviyyəsində müəyyən edilib.
Fondun mədaxil strukturunda sosial sığortaya icbari ayırmalar üzrə daxilolmalar 1,278 mlrd. manat, o cümlədən büdcə təşkilatlarından - 460 mln. manat, onların işçilərindən - 62,72 mln. manat məbləğində təsdiq edilib. Dövlət büdcəsindən transfertlər 495 mln. manat həcmində təsdiqlənib.
Fondun 2009-cu il üçün büdcəsinin məxaric strukturunda əhaliyə 1,707 mlrd. manat məbləğində ödənişlər, o cümlədən əmək pensiyası ilə 1,66 mlrd. manat (əmək pensiyalarının baza hissəsi - 1,21 mlrd. manat), icbari sosial sığorta üzrə hesabına müavinətlərə - 47,47 mln. manat məbləğində ödənişlər nəzərdə tutulub.
Qanun 2009 - cu il yanvarın 1-dən qüvvəyə minir.
Dekabrın 11 - nə olan cari mübadilə məzənnəsi -- 0,8068 AZN/USD.
Müəlliflə əlaqə saxlamaq üçün elektron ünvan: [email protected]