Azərbaycan, Bakı, 26 yanvar/ Trend , müxbir Ü.İsmayılova/
2008-ci ildə ən bahalı torpaq sahəsi Bakının Nərimanov rayonunda bir sot üçün 410 min dollara, ən ucuz sahə isə paytaxtın Suraxanı rayonunda bir sot üçün 350 dollara təklif olunub. Bu barədə bazar ertəsi MBA Group konsaltinq şirkətindən bildiriblər.
"İl ərzində torpaq sahələrinin qiyməti bir sot üzrə 4,3 faiz artaraq, 22,29 min dollara çatıb", - deyə şirkət bildirib.
Bakının torpaq bazarında qiymətlər 2001-ci ildən başlayaraq artmağa, 2008-ci ilin üçüncü rübündən isə dünya böhranının təsiri altında enməyə başlayıb.
Qiymətlər şəhərin mərkəzi zonalarında torpaq sahələri çatışmazlığı nəticəsində düşüb. Lakin şəhərin ikinci və üçüncü zonalarında qiymətlər əhalinin böyük axını və müvafiq olaraq tələbatın artması səbəbindən qalxıb.
Bakının torpaq bazarında qiymət dəyişikliklərini göstərən ümumi cədvəl:
|
Şəhərin zonaları |
Bir sota görə qiymətlər dollar ilə |
Orta qiymət dəyişiklikləri faizlə |
|
I |
217,9 |
-11,7 |
|
II |
130,08 |
-5,6 |
|
III |
35,25 |
8,8 |
|
IV |
5,52 |
17 |
Ötən il torpaq sahələrinin ekspozisiya müddəti 57,1 faiz artaraq 253 günə çatıb ki, bu da maliyyə böhranının təsiri və ölkədə tikinti templərinin azalması ilə bağlıdır.
Bazara təklif olunan 5,43 hektar torpaq sahəsindən 61 faizini boş sahələr, qalan hissəsini isə qeyri-yaşayış sahələri, həmçinin köhnə yaşayış evlərinin sahələri təşkil edib.
Ötən il ərzində yeni binaların yeddi faizi köhnə binaların söküldüyü yerdə, 31,2 faizi işləməyən sənaye və məişət obyektlərinin yerində, qalan yeni tikililər isə yeni istifadə olunmayan torpaq sahələrində inşa edilib.
Məqalə müəllifi ilə əlaqə ünvanı - [email protected]