Azərbaycan, Bakı, 03 mart / Trend , müxbir E.İsmayılov /
"Acarıstan Muxtar Respublikasının nümayəndə heyəti Azərbaycan Nəqliyyat Nazirliyinə Bakı-Tbilisi sərnişin qatarına əlavə vaqonlar qoşulması ilə, Batumiyə qədər hərəkətini təşkil etmək təklifi ilə çıxış edib", - bazar ertəsi Nəqliyyat Nazirliyindəki mənbə məlumat verib.
"Onlar bu dəmir yol reysinə Batumiyə qədər hərəkət məqsədilə daha iki vaqon qoşulmasını təklif ediblər", - mənbə bildirib.
"Görüş martın 2-də Bakıda baş tutub. Acarıstan MR-in nümayəndə heyətini Azərbaycan nəqliyyat nazirinin müavini Musa Pənahov qəbul edib", - Nəqliyyat Nazirliyinin məlumatında deyilir.
Məlumatda qeyd olunur ki, görüşdə həmçinin perspektivli layihələrdə əməkdaşlıq məsələləri də müzakirə olunub.
Məqalə müəllifi ilə əlaqə ünvanı: [email protected]