Azərbaycan, Bakı, 31 mart / Trend , müxbir N.İsmayılova/
Azərbaycanda mart ayında Korea Land Corporation (KLC) - Koreya Torpaq Korporasiyasının filialı açılıb. Bu barədə Azərbaycanın Vergilər Nazirliyinin rəsmi saytının "Vahid pəncərə" bölməsində məlumat verilib.
Filial martın 5-də "vahid pəncərə" prinsipinin köməyi ilə açılıb, ona Cənubi Koreya vətəndaşı Park Qonq Çun başçılıq edib.
KLC Torpaq fondu kimi 1975-ci ildə yaradılıb, 1996-cı ildə korporasiya Koreya Torpaq Korporasiyası adlandırılıb.
KLC yeni texnologiyaların və ətraf mühitin harmoniya təşkil etdiyi şəhər modellərinin yaradılmasına çalışır. Eyni zamanda KLC Koreyanın "Gaeseong" sənaye kompleksinin və azad iqtisadi zonaların beynəlxalq prestijini artırmaq imkan yaradır.
Məqalə müəllifi ilə əlaqə ünvanı: [email protected]