...

2012-ci ilə kimi Bakının baş planının hazırlanması başa çatacaq

Biznes və iqtisadiyyat xəbərləri Materials 18 Aprel 2009 18:26 (UTC +04:00)

Azərbaycan, Bakı, 18 aprel / Trend , müxbir Ü.İsmayılova/

Azərbaycan regionlarının 2009-2013-cü illərdə sosial inkişafı dövlət proqramı çərçivəsində Dövlət şəhərsalma və memarlıq komitəsinə 2012-ci ilə kimi "Böyük Bakının regional inkişaf planı"nın hazırlanması tapşırılıb.

2014-cü ilə kimi əmək bazarı üçü standart və normaların hazırlanması üzrə milli məlumat bazasının yaradılması planlaşdırılıb.

Qaçqın və məcburi köçgünlər üzrə dövlət komitəsinə 2010-2012-ci il ərzində qaçqın və məcburi köçgünlərin yaşadığı Bakı və ətrafındakı rayonlarda yerləşən binaların təmir edilməsi tapşırılıb.

Əmək və əhalinin sosial müdafiəsi nazirliyinə proqram çərçivəsində 2009-2012-ci illərdə Qarabağ müharibəsi əlilləri və şəhid ailələrinin yaşayış səviyyəsinin yaxşılaşdırılması tapşırığı verilib.

Bakı icra hakimiyyətinə 2014-cü ilə kimi yaşayış evlərinin dam örtükləri və fasadlarını əsaslı təmir etmək və paytaxt binalarında lift təsərrüfatının təkminləşdirilməsi tapşırılıb.

SOCAR-a (Azərbaycan dövlət neft şirkəti) şirkətin balansında olan binaların fasad və dam örtüklərini 2009-2012-ci illərdə əsaslı təmir etmək tapşırığı verilib.

Azərbaycan əmək və əhalinin sosial müdafiəsi nazirliyinə 2011-ci ildə kimsəsiz uşaq və yeniyetmələr üçün ixtisaslaşdırılmış müəssisələrin inşa edilməsi həvalə edilib.

"2009-2011-ci illərdə Azərbaycan regionlarının sosial-iqtisadi inkişafı dövlət proqramı" Azərbaycan respublikası prezidenti İlham Əliyev tərəfindən cari ilin aprelin 14-də təsdiq edilib. 

Məqalə müəllifi ilə əlaqə ünvanı: [email protected]

Xəbər lenti

Xəbər lenti