Azərbaycan, Bakı, 04 may / Trend , müxbir İ.Xəlilova /
Ölkədə elektrik enerjisi istehsalını artırmaq və əhalini enerji ilə davamlı təmin etmək məqsədilə hökumət Azərbaycana bunun üçün lazım olan avadanlıqların idxalını əlavə dəyər vergisindən (ƏDV) azad edib. Bu barədə bazar ertəsi hökumətdən bildiriblər.
Nazirlər Kabinetinin sərəncamına əsasən, ümumi dəyəri 500 mln. manatadək və gücü 750 meqavatdan çox olan buxar-qaz elektrik stansiyalarının tikintisi üçün 84,85 və digər qruplu mal və avadanlıqlar ƏDV-dən azad edilib.
Belə bir qərar Vergilər, Sənaye və Energetika, Maliyyə, İqtisadi İnkişaf nazirlikləri və Dövlət Gömrük Komitəsinin razılaşdırılmış təklifləri əsasında qəbul olunub.
Qərar aprelin 30-dan qüvvəyə minib.
Mayın 04-nə olan cari məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]
