Azərbaycan, Bakı, 07 may / Trend , müxbir Ü.İsmayılova /
Azərbaycanda bələdiyyələrin balansında olan torpaq sahələrinin satılması üçün hərrac və müsabiqələr keçirilərkən qeyri-qanuni tikililərin sahiblərinə də imtiyazlar veriləcək. Bu barədə Dövlət Torpaq və Kartoqrafiya Komitəsinin rəhbəri Qərib Məmmədov deyib.
"Hətta qeydiyyatdan keçirilməmiş torpaq sahəsində təsərrüfatla məşğul olan şəxslərə də imtiyazlar təqdim ediləcək", - Məmmədov qeyd edib.
Onun sözlərinə əsasən, bələdiyyə torpaqlarının satışı məqsədilə apareldə keçirilən iki hərrac bu prosesin tam şəffaflığı təmin etdiyini və əhali tərəfindən müsbət qarşılandığını göstərdi.
İlk iki hərrac apreldə Abşeron rayonunda keçirilib. Mayda Abşeron, Hacıqabul və Bərdədə 8 hərracın keçirilməsi gözlənilir.
Bir ay ərzində ilk dəfədir ki, ölkənin regionlarında 4 hərrac keçiriləcək - Hacıqabul və Bərdədə.
Hacıqabul şəhərində müsabiqənin keçirilməsi üçün xüsusi ev tikmək məqsədilə 10 sot sahəsi olan və start qiyməti 150 manat təşkil edən torpaq ərazisi, eləcə də start qiyməti 800 manat, 21 sot sahəsi olan xüsusi ev tikilməsi üçün nəzərdə tutulmuş torpaq ərazisi ayrılıb.
Bərdə şəhərində start qiyməti 320 manat olmaqla hər birinin sahəsi 800 sot olan və xüsus ev tikilməsi üçün nəzərdə tutulan iki torpaq ərazisi ayrılıb.
Mayda Abşeron rayonunda sahibkarlıq fəaliyyətit üçün torpaq ərazilərinin satışı uzrə dörd müsabiqə keçiriləcək. Birinci müsabiqəyə 7,804 min manat start qiymətilə 10 hektar, iknci müsabiqəyə 906 manat start qiymətilə 1,16 hektar, üçüncü müsabiqəyə 10,92 min manat qiymətlə 14 hektar və dördüncüyə 800 manat start qiymətlə 2,22 hektar torpaq ərazisi çıxarılacaq.
Azərbaycan Prezidentinin 2008-ci il 10 dekabr sərəncamına əsasən, yerli özünüidarə orqanlarının torpaqları hərrac vasitəsilə satılır və müsabiqələri keçirmək səlahiyyəti Dövlət Torpaq və Kartoqrafiya Komitəsinə verilib. Əvvəllər bu hüquq bələdiyyələrə məxsus idi.
Sənədə əsasən, hərracda qalib gələn fiziki və ya hüquqi şəxslə Dövlət Komitəsinin yerli strukturları 20 gündən gec olmamaq şərtilə Mülki və Torpaq Məcəlləsinə uyğun olaraq müqavilə bağlamalıdır.
Mayın 7-nə olan rəsmi məzənnə 0,8036 AZN/USD təşkil edir.
Məqalə müəllifi ilə əlaqə ünvanı: [email protected]