Azərbaycan, Lənkəran, 22 may / Trend , müxbir P.Əliyeva /
"Azərbaycanın Standartlaşdırma, Metrologiya və Patent üzrə Dövlət Komitəsi qeyri-qanuni şəkildə balıq qurudulması ilə məşğul olan müəssisəni aşkar edib. Bu "Kaspi Azerbaycan balıq senaye kampaniyası" ASC-dir.
"Müəssisə Lənkəran rayonunun Nərimanabad qəsəbəsi ərazisində reydlərin gedişində müəyyən edilib", - komitənin 6 saylı dairə idarəsinin rəisi Namiq Kərimov məlumat verib.
Onun sözlərinə görə, reyd zamanı məlum olub ki, Vladimir Hacıxanovun rəhbərliyi altında şirkət artıq 15 ildir ki, hər hansı normativ-texniki sənədlər olmadan fəaliyyət göstərir.
Şirkətin məhsulu yalnız yerli bazarda satış üçün, bir kiloqramı bir manat qiymətində təqdim edilib.
Anti-sanitar şəraitdəki fəaliyyətinin qanunsuz olması səbəbindən şirkət bağlanılıb və dörd min manat cərimə kəsilib.
Məqalə müəllifi ilə əlaqə ünvanı: [email protected]
