Azərbaycan, Bakı, 04 avqust / Trend , müxbir N.İsmayılova /
"Korporativ idarəetmənin müasir standartlarının (ACGP) tətbiqinə texniki yardım proqramı çərçivəsində Beynəlxalq Maliyyə Korporasiyası (BMK) Azərbaycanın Qiymətli Kağızlar üzrə Dövlət Komitəsinə (QKDK) kapital bazarı üzrə tədris mərkəzinin açılışında texniki dəstək verəcək", - çərşənbə axşamı BMK layihəsinin rəhbəri Karolina Brayt deyib.
"Korporativ idarəetmə kapital bazarının çox vacib hissəsidir, buna görə də BMK belə mərkəzin yaradılmasında komitəyə texniki yardım göstərəcək", - Brayt deyib.
Həm bazar iştirakçıları, həm də əhali tərəfindən bunu arzulayan hər kəsin tədrisi üçün ölkədə 2009-2011-ci illər ərzində məlumatlandırma və maarifləndirmə konsepsiyası çərçivəsində QKDK tərəfindən kapital bazarı üzrə tədris mərkəzi açılacaq.
Hazırda BMK-nın Azərbaycan iqtisadiyyatına sərmayə portfeli 131 milyon dollar təşkil edir. Ümumilikdə ölkədə 300 milyon dollar məbləğində 30 layihə realizə edilib. 2005-ci ildən etibarən ACGP proqramı çərçivəsində 400-dən çox şirkətə məsləhətlər verilib. Bununla yanaşı, korporasiya layihənin iştirakçı-şirkətləri tərəfindən 17 milyon dollardan çox sərmayə cəlbinə yardımçı olub.
Məqalə müəllifi ilə əlaqə ünvanı: [email protected]
