Azərbaycan, Bakı, 05 avqust / Trend /
"İyunda Azərbaycana Şimali Qafqaz dəmir yolu (ŞQDY) ilə 24,8 min ton taxıl yükü idxal edilib", - ŞQDY-nin yaydığı məlumatda deyilir.
Bildirilir ki, iyunda ümumilikdə ŞQDY üzrə ixracın 76 faizini taxıl təşkil edib. Həmçinin ŞQDY çərçivəsində Səudiyyə Ərəbistanına 37,7 min ton, Misirə 18,2 min ton, Pakistana 22,8 min ton taxıl yükləri ixrac edilib.
İyunda ŞQDY üzrə 180 min ton taxıl ixrac edilib ki, bu da ötən ilin analoji dövr göstəricisindən 50 faiz çoxdur. Orta hesabla iyunda hər gün 6 min tondan çox taxıl yükləri boşaldılıb.
Məlumatda qeyd olunur ki, ötən ilin iyununa nisbətən belə artım Rusiyanın Rostov, Krasnodar və Stavropol vilayətlərində ümumi taxıl yığımının 32,76 milyon tona çatması və bunun da 2007-ci illə müqayisədə 144 faiz çox olması ilə izah olunur. Ötən ilin ilk yarımilliyində taxıl ixracına məhdudiyyət qoyulmuşdu. Səbəb iyulda aradan qaldırılan buğda və buğda məhsullarına ixrac rüsumlarının yüksək dərəcəsi olub.
