Azərbaycan, Bakı, 05 avqust / Trend , müxbir N.İsmayılova /
2008-ci ilin fevralında ləğv edilmiş "Azer-Asia" Azərbaycan-İran sığorta şirkətininin təsisçiləri səhmdarların iclasının keçirilmə tarixini müəyyənləşdiriblər. İclasda idarə heyətinin buraxılması və təsviyyə komissiyasının yaradılmasının müzakirə edilməsi planlaşdırlır. Bu barədə şirkətin məlumatında deyilir.
Səhmdarların iclası avqustun 31-nə təyin edilib. İclas saat 11-də şirkətin Şeyx Şamil küçəsi, 13/20 ünvanında yerləşən inzibati binasında baş tutacaq.
Azərbaycanın Maliyyə Nazirliyi "Azer-Asia" birgə sığorta şirkətinın sığorta fəaliyyəti üzrə 2002-ci ildə noyabr ayının 21-də verilən lisenziyanın müddətinin uzadılmasından imtina edib. Lisenziyanın müddətinin artırılmasından imtinanın səbəbi 2006-ci ilin oktyabrın 1-dən 2007-ci ilin oktyabrın 1-dək olan dövr ərzində sığorta qanunvericiliyi və lisenziya tələbləri əsasında şirkətin fəaliyyətinin analizininin nəticələri olub. Yoxlama zamanı pozuntu halları aşkar edilib.
Bu qərarın elan olunmasından sonra şirkət öz portfelini müqavilə şərtlərini dəyişmədən digər şirkətə - BE&G-ə ötürüb. Bu zaman şirkətin 17 min fiziki və 60 korporativ müştərisi olub.
İranın "Asia" şirkəti (49 faiz) və Dövlət Sığorta Kommersiya Şirkəti "AzərSığorta"-nın (51 faiz) təsis etdiyi "Azer-Asia" birgə sığorta şirkəti Azərbaycanın sığorta bazarında 1997-ci ildən fəaliyyət göstərib.
Avqustun 05-nə olan rəsmi məzənnə 0,8042 AZN/USD təşkil edir.
Məqalə müəllifi ilə əlaqə ünvanı: [email protected]
