Azərbaycan, Bakı, 07 avqust / Trend , müxbir N.İsmayılova /
Azərbaycan bankı "Azərdəmiryolbank" Mərkəzi Bank yanında fəaliyyət göstərən Azərbaycan İpoteka Fondunun (AİF) xətti ilə 35 ipoteka krediti verib. Bu barədə cümə günü bankdan məlumat verilib.
Bank 1,43 milyon manat məbləğində ipoteka kreditləri verib. Bu kreditlərdən 6-sı güzəştli şərtlərlə verilib.
AİF xətti ilə ipoteka kreditlərinin verilməsi üçün banka 3 milyon manat ayrılıb.
İpoteka kreditinin bərpası ilə əlaqədar olaraq 17 bank, 7 qiymətləndirmə və 10 sığorta şirkəti AİF-in səlahiyyətlisi kimi təsdiq olunub.
İpoteka kreditləşməsinin şərtləri bunlardır: kreditlər milli valyuta - manatla və yalnız Azərbaycan vətəndaşlarına verilir, ipotekanın obyekti yalnız mənzil və ya şəxsi ev ola bilər, ipoteka kreditləşməsinin məbləği bazar qiymətlərinin 85 faizini keçməməlidir, kredit üzrə aylıq ödəmə borc götürənin aylıq gəlirinin 70 faizini keçməməlidir, həyat sığortasının məbləği ipoteka kreditindən çox olmalıdır və s.
Güzəştli şərtlərlə kredit şəhid ailələrinin üzvlərinə, milli qəhrəmanların ailə üzvlərinə, məcburi köçkünlərə, 3 ildən çox iş təcrübəsi olan dövlət qulluqçularına, elmlər namizədi və elmlər doktoru dərəcəsi olanlara, idman sahəsində xidməti olan şəxslərə, eləcə də minimum xidmət müddəti üç il olan hərbçilərə verilir.
Hər ailənin bir dəfə güzəştli ipoteka krediti almaq hüququ var.
Azərbaycanın dövlət büdcəsində 2005-2008-ci illərdə AİF vasitəsilə ipotekanın maliyyələşməsinə 94 milyon manat nəzərdə tutulub.
2009-cu ilə sosial ipotekanınm maliyyələşməsi üçün dövlət büdcəsindən 14 milyon manat ayrılıb. Bundan əlavə, 55 milyon manatlıq ipoteka istiqrazları buraxılıb. Bundan 25 milyon manatlıq istiqrazlar artıq yerləşdirilib.
Avqustun 07-nə olan cari məzənnə 0,8041 AZN/USD təşkil edir.
Məqalə müəllifi ilə əlaqə ünvanı: [email protected]
