Azərbaycan, Bakı, 08 avqust / Trend /
Bakı Metropoliteni yeni "Cavad xan" və "Avtovağzal" stansiyalarının inşası çərçivəsində kommunikasiya xətlərinin köçürülməsi üçün hazırlıq-kəşfiyyat işləri həyata keçirir. Bu barədə "Respublika" qəzetinə müsahibəsində " Azərtunelmetrotikinti" SC yanında 3 saylı idarənin rəisi Biləndər Məsiyev bildirib. Stansiyalar arasında tunellərin və "Cavad xan" stansiyasının inşasını bu idarə həyata keçirəcək.
"Tunel və stansiyaların inşasına mane ola bilən kommuniksiya xətlərinin yerləşdiyi yer dəyişdiriləcək. Yalnız bundan sonra stansiyanın inşasına başlanılacaq", - Məsiyev bildirib.
Metrodakı mənbənin öncə bildirdiyi kimi, yaxın zamanlarda üç yeni stansiyanın - "Cava dxan" ("Memar Əcəmi" stansiyasından keçid), "Avtovağzal" və "Mikayıl Müşfiq" stansiyalarının inşası çərçivəsində kommuniksaiya xətlərinin köçürülməsi planı hazır olacaq.
"Cavad xan" -"Avtovağzal" (yeni avtovağzalın yanında) istiqaməti ilk prioritet istiqamətdir. Artıq müvafiq orqanlar bu stansiyalar üşün ərazi ayrılmasına qərar verib.
İkinci prioritet istiqamət "İçəri şəhər" stansiyasından Bakının Badamdar qəsəbəsi istiqamətində ikinci yolun işlənməsidir. Bu istiqamətdə üç metro stansiyasının inşası planlaşdırılır. İşlərə 2011-2012-ci illərdən sonra başlanılması barədə qərar verilib, mənbə bildirib.
Bakı Metropoliteni 1967-ci ildən fəaliyyət göstərir ("İçəri Şəhər" stansiyasından üç ara stansiya ilə "Nəriman Nərimanov stansiyasına kimi). Metropolitenin yeddi stansiyası ("İçəri şəhər", "Sahil", "28 may", "Cəfər Cabbarlı", "Xətai", "Nizami", "Elmlər Akademiyası" ) dərində yerləşir, "Bakmil" yerüstü, digərləri - sütünlu stansiyalar isə dayazda yerləşir (cəmi 21 stansiya).