Azərbaycan, Bakı, 27 avqust / Trend , müxbir İ.Xəlilova /
Azərbaycan bankı Əmrahbank xarici səhmdarı - Bəhreyndəki Beynəlxalq İnvestisiya Bankının təşkilati dəstəyi ilə 10-15 milyon dolların cəlb edilməsi üzrə danışıqları başa çatdırıb. Bu barədə cümə axşamı bankın İdarə Heyətinin sədri Emil Məmmədov deyib. Əmrahbankın xarici səhmdarı nizamnamə kapitalında səhmlərin 49 faizinin sahibidir.
"Ayrılmış kredit resurslarının təsdiqlənməsini gözləyirik, bundan sonra müqavilə bağlanacaq, - Məmmədov deyib. - Kredit vəsaitləri kiçik və orta biznesin maliyyələşməsinə nəzərdə tutulub".
Bu gün praktiki olaraq Əmrahbankın xarici kapital bazarından asılılığı yoxdur.
"Xarici səhmdarımızın vəsaitini nəzərə almasaq, bankın praktiki olaraq xarici asılılıq portfeli yoxdur, - Məmmədov bildirib. - Sonrakı illərdə də bankda xarici asılılıq siyasəti kifayət qədər konservativ saxlanacaq. Əsasən Beynəlxalq İnvestisiya Bankı və beynəlxalq maliyyə institutlarındakı tərəfdaşlarımız vasitəsilə vəsait cəlb etməyə hazırlaşırıq".
Bank artıq uğurlu danışıqlar aparıb və Ticarət Maliyyələşməsi İslam Korporasiyası (ITFC) və ABŞ-ın ixrac-idxal bankı US Exim Bank ilə əməkdaşlığa başlayıb. Əmrahbank üçün artıq beş il müddətinə ITFC və US Exim Bank-dan ticarət maliyyələşməsi üzrə kredit xətti açılıb.
Əmrahbank ticarət maliyyələşməsi üzrə də İslam İnkişaf Bankı (İİB) ilə "muharaba" mexanizmi üzrə ilkin müqavilə bağlayıb. İİB-dən ilkin xətt bir milyon dollar, US Exim Bank-dan isə beş milyon dollar nəzərdə tutulub.
İlin birinci yarısının yekununa görə, Əmrahbankın aktivləri 63 milyon manat, müştərək kapitalı 20,183 milyon manat, nizamnamə kapitalı isə 12,82 milyon manat təşkil edib.
Bu gün bankın kapitalı kifayət qədər adekvatdır və adekvatlılıq əmsalı 12 faizlik normativlə 36 faiz təşkil edir.
İlin birinci yarısının yekunlarına görə, bankın gəliri 1,195 milyon manata çatıb. Kredit portfeli 36,37 milyon manat, təcili əmanətlər portfeli isə 42,8 milyon manatlıq ümumi öhdəliklərlə 23 milyon manat təşkil edib.
Avqustun 27-nə olan rəsmi məzənnə 0,8041 AZN/USD təşkil edir.
Məqalə müəllifi ilə əlaqə ünvanı: [email protected]
