Azərbaycan, Bakı, 28 avqust / Trend , müxbir İ.Xəlilova /
Rusiya iqtisadiyyatının ressesiyadan çıxması Azərbaycanda regional bank - Gəncə Bank-ın (onun baş ofisi ölkənin qərbində yerləşən Gəncədə yerləşir) maliyyə vəziyyətinin yaxşılaşmasına təsir edir, bu barədə cümə günü Gəncə Bank-ın İdarə Heyətinin sədri Fuad Musayev bildirib.
"Gəncə iqtisadiyyatının 60 faizi Rusiyadan Azərbaycan vətəndaşları tərəfindən maliyyə ehtiyatlarının axınından asılıdır ki, bu da öz növbəsində yeni müəssisələrin yaradılmasına, yeni iş yerlərinin açılmasına təsir göstərir. Qlobal maliyyə böhranının təsiri altında Rusiya iqtisadiyyatına ressesiyanın gəlişini bankımız depozit bazasının azalması ilə hiss edib", - Musayev qeyd edir.
Rusiya hökumətinin də təsdiqlədiyi kimi, dünya ressesiyası zamanı ciddi zərər çəkən Rusiya iqtisadiyyatı nəhayət ki, düzəlir və rəqəmlər ölkə iqtisadiyyatının azalmasının baş çatması və canlanma mərhələsinə keçməsi haqqında danışmağa imkan verir.
Ötən ilin avqust ayından başlayaraq böhranın dərinləşməsinə kimi bankın depozit portfeli üç milyon manat təşkil edirdisə, hazırda bu rəqəm 2,5 milyon manata çatıb. Bununla yanaşı, əmanətlərin cəlb olunması ilə vəziyyət tədricən qaydasına salınmağa başlayıb. Onun sözlərinə əsasən, Rusiyadan gələn gəlirlərin azalması təlaşı altında əmanətçilər banklardan əmanətlərini götürüblər, lakin vəziyyət tədricən düzəlməyə başlayıb.
Musayevin sözlərinə əsasən, hazırda Gəncə Bank filial şəbəkəsinin genişləndirilməsinə diqqəti artırıb. İlk filial Bərdədə açılıb, Tovuz, Samux və Mingəçevirdə də fillailların açılması planlaşdırılır, lakin bank rəhbərinin sözlərinə əsasən, bu il onlardan yalnız birinin açılması mümkün olacaq.
Bunula yanaşı, bank bu il Visa İnternational beynəlxalq ödəmə sisteminin üzvü olaraq ölkənin kart bazarına daxil olub.
"Bank hər ay 100 kart realizə edir ki, bu da region üçün pis göstərici deyil və hazırda buraxılan kartların sayı 500-ü ötür", - Musayev bildirib.
Hazırda Gəncə Bank-ın aktivləri 35 milyon manat, müştərək kapitalı 16,5 milyon manat, nizamnamə kapitalı isə 15 milyon manat təşkil edir.
Gəncə Bank ilk regional bankdır (ötən il ikinci regional bank - Naxçıvanbank-ın açılmasına kimi yeganə regional bank olub). Ölkə regionlarının sosial-iqtisadi inkişafı üzrə Dövlət Proqramı çərçivəsində hökumət həmçinin regionalarda sahibkarlığın, eyni zamanda bankların inkişafına böyük diqqət ayırır.
Gəncə Bank 1994-cü ildən fəaliyyət göstərir.
Avqustun 28-nə olan rəsmi məzənnə 0,8039 AZN/USD təşkil edir.
Məqalə müəllifi ilə əlaqə ünvanı: [email protected]