Azərbaycan, Bakı, 23 sentyabr / Trend , müxbir N.İsmayılova /
Dünya Bankının (DB) missiyası Azərbaycan hökuməti ilə birgə sentyabrın 27-dən oktyabrın 3-dək bankın ölkə üzrə layihə portfelinin icmalını aparacaq. Bu barədə çərşənbə günü DB-nin Bakı nümayəndəliyindən deyilib.
"Çünki ölkədə bankın portfelinin tərkib hissəsi infrastruktur layihələrdən ibarətdir, missiyanın heyətində bankın sabit inkişaf departamentinin direktoru Piter Tomson olacaq", - nümayəndəlikdən deyilib.
Ölkədə bank portfelinin icmalının aparılmasında əsas məqsəd cari layihələrin həyata keçirilməsinin effektliyinin yaxşılaşdırılmasıdır.
"İcmalın yekunlarına görə, bankın vəsaitinin nə dərəcədə effektli xərcləndiyi və onların xərclənməsinin effektliyinin artırılması üçün hansı tədbirlər görməyin vacibliyi aydınlaşdırılacaq", - nümayəndəlikdən deyilib.
Bundan əlavə, nümayəndəlikdən deyildiyi kimi, hazırda missiyada bankın Cənubi Qafqaz üzrə regional direktoru Əsəd Aləmin iştirakının mümkünlüyü gözdən keçirilir.
Azərbaycan 1992-ci ildən DB-nin üzvüdür. Əməkdaşlıq dövründə bank tərəfindən respublikaya 2,5 milyard dollar məbləğində kreditlərin verilməsi bəyənilib.
2009-cu ilədək DB Azərbaycanda ümumi dəyəri iki milyard dollardan çox olan 45 layihə maliyyələşdirib. Təkcə keçən maliyyə ilində bank tərəfindən 13 layihənin maliyyələşdirilməsinə 1,251 milyard dollar yönəldilib. Strategiyanın son iki ilində, (2009-10-cu illər) DB ölkəyə bir milyard dollardan çox vəsait ayırmağa hazır olduğunu bildirib. Bu vəsait artıq kommersiya şərtləri ilə - Beynəlxalq Yenidənqurma və İnkişaf Bankının xətti ilə veriləcək. 2009-cu ildə DB Azərbaycan üçün ümumi məbləği 183 milyon dollar olan yeni borc paketini bəyənib. Ondan 70 milyonu Beynəlxalq İnkişaf Assosiasiyası xətti ilə ayrılıb. Ümumi paketdən 175 milyon dollar Hacıqabul-Bəhramtəpə avtomobil yolunun təmirinə və modernləşdirilməsinə, səkkiz milyon dollar isə əsas sahələrdə, daha öncə isə infrastrukturların inkişafı sahəsində investisiya layihələrinin həyata keçirilməsi zamanı hazırlığın keyfiyyətinin artırılmasına hesablanıb.
Məqalə müəllifi ilə əlaqə ünvanı: [email protected]
