Azərbaycan, Bakı, 26 sentyabr / Trend , müxbir N.İsmaylova/
ABŞ-ın Beynəlxalq İnkişaf Agentliyi (USAID) və Azərbaycan hökuməti yarım ildən sonra ölkə regionlarının sosial-iqtisadi inkişafı üzrə yeni layihəni həyata keçirməyə başlayacaq. Bu barədə USAID-in ölkə üzrə koordinatoru Skot Teylor bildirib.
"Bu layihə ölkə regionlarının inkişafına yönəldilib və buraya Bakı daxil deyil, - Teylor deyib. - Mən ümid edirəm ki, yarım ildən sonra biz artıq layihənin icrasına başlayacağıq".
Onun sözlərinə görə, layihənin həyata keçirilməsinə dörd milyon dollar həcmində vəsait ayrılacaq. Bu vəsait USAID və Azərbaycan hökuməti arasında bərabər bölünəcək.
"Layihə, həmçinin ölkənin qeyri-neft sektorunun inkişafına da şərait yaradacaq", - Teylor deyib.
USAID və ölkə hökuməti arasında Anlaşma Memorandumu bir ay əvvəl imzalanıb.
Məqalənin müəllifi ilə əlaqə ünvanı: [email protected]