Azərbaycan, Bakı, 14 oktyabr / Trend , müxbir Ü.İsmayılova/
Azərbaycan Maliyyə Nazirliyi Dövlət Sığorta Nəzarəti Xidmətinin nümayəndə heyəti İsveçrənin Maliyyə Stabilliyi İnstitutunun keçirdiyi "Sığorta sahəsində risqlərin peşəkar idarə olunması praktikası" adlı seminarda iştirak edib, Xidmətdən çərşənbə günü məlumat veriblər.
Seminarda təlimatçı qismində dünyanın müxtəlif məşhur maliyyə institutları və kredit təşkilatlarının əməkdaşları iştirak ediblər ((FSI, BIS, Swiss Re, Finma və s.).
Seminar sığorta nəzarəti orqanları nümayəndələrinin risqlərin idarə olunması və böhranlı situasiyalara hazırlığın təkmilləşdirilməsi məqsədilə təşkil olunub. Mərasimdə maliyyə risqlərinin idarə olunması, maliyyə böhranından çıxarılan nəticələr, Non-life sığorta növündə risq modelinin komponentləri, ümumi sığorta və sərmayə risqləri, ümumi modellərin öyrənilməsi və s. məsələlər müzakirə olunub.
Həmçinin böyük təkrarsığorta şirkəti Swiss Re-nin əməkdaşları tərəfindən ictimai risqlərin idarə olunması, təbii fəlakətlərin modelləşdirilməsi, kredit və bazar risqlərinin idarə edilməsinə dair praktik nümunələr nümayiş etdirilib.
Testləşdirmənin stres və ssenari məsələlərinin dəyəri problemi, əməliyyat risqlərinin idarə olunması və modelləşdirilməsi problemləri, risqin nəzarətçi tərəfindən qiymətləndirilməsi, risqlərin görüş imkanları və nəzarət problemi müzakirə olunub.
