Azərbaycan, Bakı, 20 oktyabr / Trend , müxbir Ü. İsmayılova/
2010-cu ilin əvvəllərindən Azərbaycanda tikinti şirkətlərinin lisenziyalaşdırılması həyata keçiriləcək, Fövqəladə Hallar Nazirliyi yanında Tikinti Təhlükəsizliyinə Nəzarət Dövlət Agentliyinin rəis müavini Elxan Əsədov deyib.
"FHN-nin tikinti şirkətlərinin lisenziyalaşdırılmasına dair təklifi artıq ölkənin Nazirlər Kabineti tərəfindən bəyənilib", - Əsədov deyib.
Onun sözlərinə görə, hazırda Dövlət agentliyi lisenziya almaq üçün zəruri olan blankların rəsmiləşdirilməsi, sənədlərin siyahısının tərtib edilməsi işlərini başa çatdırmaq üzrədir.
Lisenziyalar beş illik müddətə veriləcək, icazə məbləği fəaliyyət növündən aslıl olaraq 1-2 min arasında dəyişəcək.
Əsədov deyib ki, şirkətin tərkibində müəyyən təhsil səviyyəsi olan peşəkar kadrların olması, təcrübə və iş stajı, inşaat işlərini həyata keçirmək üçün texniki material bazasının mövcud olması lisenziyanın verilməsi zamanı əsas tələb olacaq.
"Azərbaycanda tikinti şirkətlərinin lisenziyalaşdırılması texniki maliyyə və kadr potensialı olmayan şirkətlərin bu sektordan kənarlaşdırılmasına imkan verəcək. Bu da ölkədə tikintinin təhlükəsizliyinin təmin edilməsinə və keyfiyyətin yüksəldilməsinə gətirib çıxaracaq", - Əsədov deyib.
Məqalə müəllifi ilə əlaqə ünvanı: [email protected]
