Azərbaycan, Bakı, 28 oktyabr / Trend , müxbir Ü.İsmayılova/
Azərbaycanda təqaüdlərin təyin olunması sistemi 2010-cu ilin birinci yarısında tamamilə avtomatlaşdırılacaq. Bu barədə çərşənbə axşamı Dövlət Sosial Müdafiə Fondunun (DSMF) rəhbəri Səlim Müslümov məlumat verib.
"Bundan sonra pensiya yaşına çatmış şəxslər Sosial Müdafiə Fondunun şöbələrinə gəlməyəcək, fondun internet-resursu vasitəsilə müraciət edəcəklər", - Müslümov deyib.
Onun sözlərinə görə, DSMF-in elektron saytında sosial sığorta haqqında bütün məlumatlar yerləşdiriləcək.
Əgər sosial sığorta haqqındakı məlumatlar lazım olan bütün parametrlərə uyğun gələrsə, vətəndaş təqaüdlə təmin olunacaq.
"Təqaüdlərin təyin olunmasının avtomatlaşdırılması sistemdə tam şəffalığa səbəb olacaq", - Müslümov deyib.
Məqalə müəllifi ilə əlaqə ünvanı: [email protected]
