Bakı. Trend:
Avqustun 28-də Biləsuvar rayonunun bir sıra ərazilərində qaz təchizatında müvəqqəti fasilə yaranacaq.
“Azəriqaz” İstehsalat Birliyindən verilən məlumata görə, buna səbəb təmir-quraşdırma işlərinin aparılmasıdır.
Bildirilib ki, avqustun 28-də saat 10:00-dan işlər yekunlaşanadək Biləsuvar şəhərinin Bayraq meydanı yaşayış massivinin, həmçinin rayonun Xırmandalı, Əliabad, Bəydili və Zəhmətabad kəndlərinin qaz təchizatı müvəqqəti dayandırılacaq.
Qaz təchizatının təmir-quraşdırma işləri başa çatdıqdan sonra bərpa olunacağı qeyd edilib.
